2018年1月17日星期三

德國快刀手~Bosch Vitaboost高速攪拌機(附食譜!!!)


新的一年,有新玩具!
2018年的開始我的廚房增添新成員,是Bosch Vitaboost高速攪拌機~~


屋企一向都有一部食物處理機,年年都用嚟打白蘿蔔絲,整蘿蔔糕。呢排覺得部機開始唔利,係時候要退休啦!呢部Bosch Vitaboost除咗可以攪拌食材,仲有好多功能,例如Ice-cream, Soup, Sauce等,其中Soup 仲有加熱功能,請看下文再詳細解構!


開箱先💨💨💨💨💨💪💪



呢部機吸引我的原因是它的刀十分鋒利,大部份食材都可以處理,連龍蝦殼同冰糖都可以打碎!!(講到好神奇~~~哈哈😆!!)


攪拌杯內有6塊刀片,加上30,000轉,每分鐘可切割食材180,000次,可處理大部份食材
即使處理較硬食材亦無問題,例如:
a.      整條魚(可完全打碎,用網隔亦完全不見魚骨)
b.      龍蝦殼(無問題)
c.       冰糖打成粉

試打冰糖

Pulse幾下已經變成冰糖粉

 

主機開關在前方,中間有扭動掣,
可以手動調教攪拌速度,亦有"Pulse"來做間斷式攪拌。



攪拌機備有6個自動模式,想打湯打糖水,可以用Soup模式,整個模式5.5分鐘完成。不用倒出來,在鍋子用明火加熱,十分方便!
如想打魚湯,可以直接加入熱水,撞出奶白色湯,打完溫度更熱!

注意:用Soup模式的時候,因食材會升溫,打到攪拌杯頂頭出煙是正常的。


攪拌杯容量2公升,容量十分大!!!


攪拌杯頂部有開口,可以在攪拌食材時過程中添加更多食材,
再用攪拌桿伸入開口推下食材。

攪拌桿
女兒Natnat拿着攪拌桿當劍四圍玩!!!!

食譜書

跟機送上一本食譜書,內容士分豐富,主要食譜是雪糕、西湯、冰沙等~~


除咗跟機食譜書,仲有一個VitaBar食譜應用程式
入面有30幾個食譜,有齊食材清單,
買嘢嘅時候跟住嚟買,確保買齊所有食材好方便~


清洗方法

這部攪拌機其中一個自動模式是清洗模式每次打完,可加水入Jar
再用清潔模式,可將刀或的食物殘渣清去,之後再清洗好容易。

注意:清洗時小心,攪拌杯內的不鏽鋼刀很鍵鋒利呢!!

Cleaning式自動模式

用完加啲清水入去開機自動清洗


新機第1試~~~先來試中式甜品腰果露




腰果蘊含豐富蛋白質、碳水化合物、維他命B1、B2、B6,以及鉀、鐵、鈣、鎂、磷等微量元素,十分有益,不過對果實有過敏的朋友就要注意了!

材料:
  1. 腰果...........200g
  2. 淡奶...........120mL
  3. 清水...........600mL
  4. 冰糖..........50g
做法:

1. 將腰果放入焗爐180度焗5-7分鐘至金黃香脆,或用白鑊炒至香脆。



2. 所有材料加入攪拌杯中,選擇"Soup"模式。



3. 等待程式完成(約5.5分鐘)便成。



香滑腰果露~


小貼士:
  1. 不用淡奶,可以用牛奶代替。
  2. 冰糖的份量可以因應喜好加減。
  3. 保留少許腰果,敲碎後放面作裝飾。

做出來的腰果露超香滑~開機打到1-2分鐘的中途,已經聞到好香的腰果味!



部機有埋加熱功能,唔洗好似以前咁,攪碎完再倒出來煮溶冰糖,好方便~

💪💪💨💨💪💪💨💨

總括~呢部攪拌機真係好強勁,連冰糖都可以打碎變粉,煮西湯糖水唔洗再用明火加熱,用佢嘅加熱功能就可以一機過攪掂,好正!下次會試吓煮龍蝦湯,睇吓係咪堅勁到連龍蝦殼都可以打碎!!!!

其他Vitaboost高速攪拌機食譜:那些年的懷舊小食~中式糯米滋



沒有留言:

發佈留言