忌廉開心果檸檬煎三文魚 Creamy Lemon Pistachio Salmon

我家常常都食三文魚，不過多數是日式燒三文魚，照燒和西京燒三文魚都不時會煮。西式三文魚多是白汁。

前兩日睇雜誌見到有餐廳介紹白汁三文魚可以配上檸檬和開心果，這配搭未見過，直覺得應該會唔錯，我又好喜歡食開心果，所以昨晚返家試試。做出來效果真的很好！！原來開心果加檸檬白汁很好呀～開心果香脆，檸檬酸酸哋好開胃，估唔到開心果也可以做成晚餐嘅輔料～

材料：

1. 三文魚扒............1塊
2. 甜豆.............5粒
3. 鹽和黑胡椒碎.............少許
4. 開心果..............20粒

忌廉白汁材料：

1. 牛油.............20g
2. 麵粉............1茶匙
3. 淡忌廉.............120mL
4. 檸檬汁.............2湯匙
5. 鹽和黑胡椒碎.............少許

做法：

1. 三文魚扒下少許鹽和黑胡椒碎調味。在鑊內燒熱油，放入三文魚煎熟至四面金黃盛起。

2. 開心果切碎。在鑊內小火煮融牛油，離火加入麵粉攪至粉粒完全消失。

3. 繼續小火加煮，倒入淡忌廉慢慢煮至忌廉汁濃稠。

4. 加入檸檬汁，鹽和黑胡椒碎調味，煮至白滑成忌廉檸檬汁。

5. 甜豆在滾水中灼2分鐘盛起。在三文魚上倒上忌廉檸檬汁，在上面撒上開心果碎和刨一些檸檬皮便成。

小貼上：

1. 製作忌廉汁要小火，並且耐心地煮稠，不要心急呀！
2. 鍾意食開心果嘅，可以落多一點，多啲更好味！
3. 想食得健康一啲可以不用淡忌廉，用牛奶代替。