[ 譚仔氣炸版 ]土匪雞翼 BANDIT CHICKEN WINGS

 

世界盃決賽週來了！～

小朋友瞓覺後，晚上等睇比賽之前有時間

梗係整定啲小食，一邊食，一邊睇波啦！

整小食的最佳神器一定是氣炸鍋～

呢部氣炸鍋好抵玩，超平！！而且火力夠

容量大，可以分上下兩層放食物~

除了氣炸雞翼、薯條等，

仲夠大可以氣炸數字屋買的pizza～

真係超級方便！

［完全氣炸版］椒鹽粟米

 

世界盃決賽週來了！～

小朋友瞓覺後，晚上等睇比賽之前有時間

梗係整定啲小食，一邊食，一邊睇波啦！

整小食的最佳神器一定是氣炸鍋～

呢部氣炸鍋好抵玩，超平！！而且火力夠

容量大，可以分上下兩層放食物~

除了氣炸雞翼、薯條等，

仲夠大可以氣炸數字屋買的pizza～

真係超級方便！

【流川鍋】滑蛋鰻魚鍋～

 

自從小朋友愛上吃鰻魚

終於不用成日吃蕃茄炒蛋和雞翼😆

給小朋友的晚餐【鰻魚流川鍋】～

一鍋餵飽兩位小主😏

柚子蜜金沙骨

秋涼啦～🍁🍂

柚子當造的季節來做柚子蜜金沙骨吧！

這道菜勝在不用醃肉～

將肉汆水，直接放調味材料入鍋

燜煮20分鐘，收到汁濃就攪掂！

最緊要是有個不銹鋼鍋

煮到最後收汁都唔怕燒燶黐底

洗鍋簡單乾淨又快手!

花甲老少平安

今日花甲王大特價心，煮乜好？
豉椒炒花甲又覺得太細碟
簡單油鹽水煮粉絲花甲又覺得悶
突然想起之前的花甲蒸肉餅
或者可以試下改做【花甲蒸老少平安】
我喜歡用蝦滑，多過用鯪魚肉來做老少平安
因為怕女兒吃不了鯪魚肉中的碎骨
而且蝦滑會更香和軟嫩
花甲淋了一些蒜泥來蒸更香~

低糖健康版～紅絲絨蛋糕

來分享一下今年大夫的簡易生日蛋糕

紅絨蛋糕是眾多蛋糕裏面，我最愛的蛋糕

紅色蛋糕帶有可可香

與忌廉芝士糖霜是個絕配

材料：（可做7吋）

1. 中筋麵粉 125g
2. 可可粉 5g
3. 泡打粉 1茶匙
4. 梳打粉 半茶匙
5. 砂糖 80g
6. 牛奶 35ml
7. 檸檬汁 1/4茶匙
8. 植物油 90g
9. 雞蛋 2隻
10. 白醋 1茶匙
11. 紅色食用色素 半茶匙

忌廉芝士糖霜：

1. 忌廉芝士 90g
2. 無鹽牛油 40g
3. 糖霜 100g

做法：
1. 預熱焗爐180°C。粉類材料過篩一次。
2. 牛奶和檸檬汁拌勻，放置10分鐘。大碗加入植物油、雞蛋、白醋和紅色色素拌勻，加入牛奶拌勻。
3. 加入糖拌勻，分2、3次加入粉類用打蛋器拌勻。
4. 在蛋糕模鋪上牛油紙，倒入蛋糕糊，放入焗爐180°C 30-35分鐘。

5. 忌廉芝士和無鹽牛油室溫放軟，用打蛋器打至軟身，過篩加入糖霜拌勻，放入擠花咀袋。
6. 蛋糕脫模放涼，切成2份。

7. 擠上忌廉芝士糖霜，撒糖粒和朱古力粒完成。

小貼士：

• 植物油可以用一般芥花籽油或橄欖油。

電飯煲蜜汁一字骨

 

搬屋之後，接送上下學都用多了時間
每天的時間更加不夠用
煮飯最緊要簡單又快靚正😆
電飯煲煮叉燒一字骨
只要放哂啲材料入煲
蓋上按掣即成
醬汁濃口又入味
啱哂冇時間煮大餐晚飯嘅我😚
一個字「掂」！


材料：
一字骨 300g
叉燒醬 1.5湯匙
海鮮醬 1湯匙
豉油 1茶匙
紹興酒 2茶匙
蜜糖 1湯匙
蒜蓉 1茶匙 (切碎)

做法：
1. 一字骨飛水5分鐘，瀝乾水份。
2. 將所有調味料和一字骨拌勻，醃最少2小時或最好過夜。
3. 將一字+1湯匙醃料放入電飯煲中，按掣正常煮飯。
4. 當聞到香味，約15分鐘後打開電飯煲，將叉燒翻面，蓋上烹煮至跳掣，焗10分鐘，享用。

💡小貼士：
✅一字骨醃過夜會更入味。
✅不要將所有醃料倒入電飯煲，會太多，煮成的汁料會太稀。

【開箱文】Toshiba 純蒸氣烤焗水波爐 ～千層朱古力麵包

我一直一直一直都夢想擁有這部東芝水波爐

集蒸煮、焗爐和微波一身的水波爐

只是舊居廚房太小，沒有位置放

然後。。。來到新居

剛好Sogo thankful week

水波爐(ER-TD5000HK)特價 $6498

仲送超市禮券🎟～終於得償所願帶佢回家🎉

這部純蒸氣烤焗水波爐Superheated Steam（過熱水蒸氣）

模式可以快速鎖住水分，保留鮮味

可以100°C蒸煮，而且烤焗食物時可以放出蒸氣，逼出多餘油鹽

純烤焗到350°C，有熱風對流，仲可以微波（啱哂男人用。。。）

水箱可以蒸煮或烤焗食物時可以放出蒸氣

而我最愛它可以37°C發酵，就算夏天用白神酵母28°C發酵，

都可以自由控制，是我最夢幻的焗爐和發酵麵包的神器🌟

水波vs. 微波有什麼不同？

• 微波方式會破壞食物的細胞壁，食物無法保存營養成分，而且口感不佳
• 水波則用過熱水蒸氣減少食物內部多餘脂肪，降低卡路里熱量；高達99.5%的水蒸氣濃度可減少食物內外的鹽分，十分健康

水波爐體積纖巧，深度只有39cm

石窯式弧形爐頂，烤焗時有助熱力對流

蒸煮時水珠又會流向兩側減少水珠滴落食物

隱藏式發熱線方便清潔

內置多達51種自動烹調模式，跟食譜內的食材

一鍵按下即可煮出不同菜式，非常方便

跟機附送詳細食譜、焗盤、焗爐架、蒸架

金銀蒜粉絲大蝦

 

這道菜粉絲是亮點🤩

記得要買鮮蝦～

鮮蝦配金銀蒜正呀😍

🦐蝦的鮮味流入粉絲中

我只吃粉絲都已經滿足了～

白咖哩香茅雞翼

好耐冇出街食飯～

突然想起拍拖時期，好喜歡吃的白咖哩飯

那間餐廳還在，但餐廳主要吃咖哩

而且那些香料味實在不合小朋友口味

所以好耐冇去食了……

想吃白咖哩就自己動手煮

煮了一鍋白咖哩配香茅雞翼

（其實我鍾意雞翼多過豬排😍）

自己煮一樣咁好味，撈飯之選！

家常便飯～膏蟹蒸肉餅

蟹呀～蟹呀～
今日在街市看到越南膏蟹減價呀🦀
數一數都好幾個月冇吃蟹
炒蟹當然好吃，但小朋友就吃不了
最後決定清蒸
放在女兒的肉餅上一起蒸
膏蟹的精華全部被肉餅吸收
所以今晚的肉餅特別甜🤭😋


材料：
膏蟹 1隻
免治豬肉 200g
馬碲 2粒（切碎)

調味料：
生抽 1茶匙
鹽 1/4茶匙
糖 1茶匙
紹興酒 1茶匙
麻油 少許
胡椒粉 少許
生粉 2茶匙
清水 2湯匙

做法：
1. 膏蟹用牙刷刷乾淨，斬件，摘去蟹咀和鰓，隔着抹布敲碎蟹殼，瀝乾水份。

2. 免治豬肉下調味料，攪勻。順時針攪拌，一邊攪，一邊加入清水，攪至起膠。
3. 將肉餅鋪在平碟上，排上膏蟹。

4. 隔水蒸13～15分鐘即成。

小貼士：
可以找海鮮檔老闆代勞斬件，再回家洗淨。
如果自己刴肉餅，可以瘦肉：肥肉=3：7，會最滑口。
完成可以灒熟油和撒蔥花，淋上蒸魚豉油享用。

花甲釀肉蒸水蛋 Steamed Egg with Stuffed Clams

 

這道花甲釀肉我做了兩次才成功！

第一次做的時候失敗了，因為花甲釀好與水蛋一起蒸

花甲愈蒸愈開，釀肉的掉出來了。。。。

第二次做的時候，將花甲兩邊撕開，保留有花甲肉的那邊

扔了空殼那邊，放上釀肉再夾上另一邊花甲肉

再蒸水蛋就不會愈蒸愈開了。

釀肉可以用免治豬肉、鯪魚肉、蝦滑或者墨魚滑

加點蔥花、芫茜碎等在釀肉內更香

不過我覺得釀墨魚滑是最好唷～

士多啤梨曲奇 Strawberry Cookies

女兒們是士多啤梨控🍓

所有食物都要士多啤梨味🤦🏻‍♀️

前2天女兒問我點解無士多啤梨曲奇嘅？

不如我哋做士多啤梨曲奇啦～

okay~媽媽有求必應

加了士多啤梨粉的曲奇

當然唔少得加一個士多啤梨少女心在中間❤

應該滿意了嘅🥰

香草車厘茄佛卡夏麵包 Focaccia

春天來了～天氣和暖，是焗麵包的好季節！
而家幾日先出一次街採購食物，
但女兒們愛吃新鮮包
就自己焗包吧～

好在呀妹上星期幫我搶了幾包麵粉回家

今天來做女兒愛吃的香草蕃茄麵包吧！

麻辣口水雞翼

 

冇得去街市買新鮮雞

打開個冰箱就係得雞翼🐔

咁就有乜煮乜，做麻辣口水雞翼都不錯呀！

雞翼用白滷水浸過，加埋醬汁又麻又香🌶

整口水雞翼易過整全雞好多😆

肉碎蒸水蛋

 

其實呢～我家都好常蒸水蛋！

因為蒸水蛋超簡單😆啱哂我呢位懶人

各式各樣的蒸水蛋我都整過

而最常煮而又最簡單的蒸水蛋配搭

一定係肉碎蒸水蛋！

有些人會將肉碎和水蛋一起蒸

但我比較喜歡香口啲

會蒸完水蛋再將炒好的肉碎放上面

咁會更惹味，送飯一流呀！

電飯煲薑蔥霸王雞

 

有時忙起上嚟，真係多多時間都唔夠用！

最好就可以煮飯唔洗睇火

放哂啲食材上去就煮完就啱哂我

所以我鍾意蒸餸，因為快靚正又健康～

仲有電飯煲焗雞都係最常做的菜

因為家中有一隻食肉獸

可以一餐獨吞一隻雞

所以用電飯煲焗雞就一碟菜

可以滿足這位食肉獸的胃

而又唔洗睇火

熰出來的雞又嫩又多汁，而且零失敗！