補貨‧新店

早前去The One補貨嘅時候，

剛好有一個客人問我：「呢個口金可否放下Samsung Galaxy SII?」

我答：「這個口金嘅設計唔係用o黎放電話的。」

就咁客人就走了。

之後我就想，我上2個月賣哂電話袋後都冇再整過，

而家個個都一人一部電話，

電話袋都應該多人會想要，

所以就畫了新紙型，

設計咗呢一個新嘅電諀袋。

因為本人係用Samsung Galaxy SII,

所以個size 係放得下Samsung,

不過iPhone 應該個size 都差唔多架jei，應該都fit iPhone 嘅。

呢款電話袋係打橫，再加上磁扣，

不用按扣，唔怕扣上時會弄花內裡嘅電話。

而且有幾個電話袋，我仲用了新嘅車縫方式，

WWW咁縫咗啲心型素布上去，

多點花樣，我好喜歡縫出來嘅效果呀！

散子包

近來對拼布小物包好有興趣，

然後就俾找發現咗呢一個小雞仔散子包。

我第一眼見到這個散子包就覺得超可愛！

我一定一定要整佢哋出來~

果然整咗出o黎真係可愛到不得了。

由於佢嘅形狀縫嘅時候比較細緻，

所以一定要全手縫，

如果唔係，佢就會唔靚，唔似雞仔樣架啦。

貝殼小物盒

早幾日去咗SOGO書店睇書，

見到有新出嘅cotton time 封面幾靚就買了來睇。

一睇，今期內容真係好豐富，

有好幾個紙樣我都好喜歡，

以下係其中一個，

唔知佢叫咩名，因為我唔識得日文 :P

可能係叫貝殼小物盒。

佢好細，細到好似早前做嘅macaroon 咁細。

真係細到唔知擺啲乜好。

coins 就一定放唔下，

所以只可以放啲小物，例如介子，耳環等等。

這個好難縫呀，縫到我啲手指都穿哂，好痛呀！

輕便上街去

最近我在想，喺午飯時間嘅街頭，

會見到啲OL拎住個小紙袋，

裝住銀包同電話出外食晏。

而我有時都會只想落街買啲嘢，

只係拎住個銀包，但就唔方便。

所以就想到可以整啲輕便嘅小提袋，

用來裝隨身物件，唔洗吓吓都拎住。

三層摺叠錢包

這個錢包內有三層，

可以放散子、信用卡、鎖匙等等。

一個小包包已經可以裝哂你想要帶嘅東西，

落街買嘢，四處逛，好方便~

盛夏之暑

突然放了一個星期假期，

每天都hea在家。

見到日日天氣都好好，

就係懶洋洋嘅每日都唔想旭，

在家涼冷氣最好。

就連巡視業務同在家做手作仔

都懶閒閒嘅，冇旭過。

其實，2個星期冇巡視業務嘅最主要原因係

我家嘅手作存貨已經等於零。

唔做新品，就冇新貨可以補了。

所以，今個週未在家就做了少少，

聽日去The One睇睇還要補些什麼。

新款夏日色系髮夾

動力來源

上星期尾，我收到PoYee@the One 嘅電話。

佢話：「新假期想訪問妳嘅作品，妳可以星期二中午來接受訪問嗎？」

「如果可以嘅就順道o黎補貨同帶啲自己喜歡嘅作品來。」

因為我今日又剛好中午有空，所以就一口答應了，

就當係順道去補吓貨。

但因為開鋪了後，非常懶。

都好耐冇整新嘢，只係不停咁消之前積落嘅貨品。

就算係賣出了嘅，賣哂了嘅，都冇再整替補嘅。

正好新假期嘅訪問，我就的起心肝，大戰一番。

可是，時間太少，只有幾日，

我好努力咁趕，最後喺last moment 都整返之前嘅少女系頸鍊。

早前嘅alice同happily ever after, 已經賣了。

下面係新整嘅，今次仲加了Rosy Beauty 方形鍊。

蝴蝶世界

蝴蝶 ~ 蝴蝶 ~

今個星期嘅主題係蝴蝶。

七色蝴蝶意粉

My first Consignment place

我嘅第一個Consignment place ---

HKID Gallery @ The One 7樓

大家得閒去睇吓~



日本東北之旅

其實我尋日先去完日本返來，

今次旅行主要係睇櫻花！

今年日本為咗振興東北經濟，

出咗個10000YEN任坐3日嘅JR EAST PASS.

我朋友睇中呢個PASS 再加上之前買咗平東京機票，

咁就成就咗今次東京行街shopping + 東北賞櫻之旅了。

最感動嘅一日係去見識了大河原嘅一目千本櫻。

夢想的自家品牌tag

曾經，我喺一個手作市集中見到一位檔主嘅拼布手怍上，

都有自己嘅品牌tag，令到自己嘅作品生色不少。

我見過之後，一直好想好想都有自己嘅小tag.

但我呢個人就真係idea 無限，實行決心只有零，哈哈！

一早揾到source 點樣訂購，但一想到要自己設計圖樣，

要用我最唔識得用嘅photoshop，就頭都大埋。

直到最近終於的起心肝，玩咗好耐，

最後用最簡單嘅文字同圖樣做了6個圖案，

訂了一卷，加上老闆耐心地聆聽我嘅要求，再改進，

登登登登！

終於成功地我嘅Missta*A tag 就出世了！

小兔拉鍊袋

復活節剛過，而我就有2日復活節假期要返工，
真係感覺只係過了一個普通嘅weekend.

雖然復活節冇咩節目，但呢個節日總想要做一些同復活節有關嘅事。

小試牛刀

近來皮製手作大熱，我都被團購中嘅便宜皮具手作班吸引過，

初試過製皮手作嘅樂趣。一試難忘過後，都好想自己試吓整簡單嘅皮品。

因為要好認真咁做皮具，真的需要好多特製工具。

再且，製作過程會有幾多皮屑飛來飛去，

我真係負擔不起成間屋都係皮屑在飛嘅境況....

我覺得冇一個工作室放工具同做皮，係唔可以安心玩皮作品的。

但為滿足我嘅做皮製品嘅慾望，小小嘅作品在家製都負擔得起嘅~哈哈！

我正好缺一個鎖匙包，就作了個板鎖匙包，

不過手工有點兒粗糙，在此獻醜.....

久違的一篇文章

好耐冇update了.....自從上次嘅山頂市集因為臨時有事而冇參加到之後，
就冇再寫網誌。

對於上次缺席Re Do We Do 市集，真係感到好抱歉.........

但因為上年為該市集準備嘅手作一直堆積喺屋企，
望住佢哋咁寂寞咁俾我放喺一邊咁耐，

真係好想揾個地方寄賣佢哋。

直到最近收到好消息，HKID Gallery 將會喺尖沙咀開新店。
我得知後，即刻申請。

心急地等咗10日，終於收到回覆，申請成功了！yeah！

之後，就重新開始了整新手作仔嘅日子.....~~~