其實呢～我家都好常蒸水蛋！
因為蒸水蛋超簡單😆啱哂我呢位懶人
各式各樣的蒸水蛋我都整過
而最常煮而又最簡單的蒸水蛋配搭
一定係肉碎蒸水蛋！
有些人會將肉碎和水蛋一起蒸
但我比較喜歡香口啲
會蒸完水蛋再將炒好的肉碎放上面
咁會更惹味，送飯一流呀！
有時忙起上嚟，真係多多時間都唔夠用！
最好就可以煮飯唔洗睇火
放哂啲食材上去就煮完就啱哂我
所以我鍾意蒸餸，因為快靚正又健康～
仲有電飯煲焗雞都係最常做的菜
因為家中有一隻食肉獸
可以一餐獨吞一隻雞
所以用電飯煲焗雞就一碟菜
可以滿足這位食肉獸的胃
而又唔洗睇火
熰出來的雞又嫩又多汁，而且零失敗！
去街市見到最後一小籃花甲特賣
$20蚊一籃，平到咁，即買！
本來諗住蒸水蛋，但噚日先吃過水蛋
咁就花甲蒸肉餅吧！
肉餅吸收了花甲的精華，超級鮮甜美味！
下午在街市買了2隻爆膏瀨尿蝦
打算煮椒鹽瀨尿蝦
不過再想想。。。。
煮2吃熱氣的餸，如果明天喉嚨痛咪捉蟲，
最後為免自己嚇自己，都係吃得清淡啲
蒸瀨尿蝦好了～加隻水蛋一齊蒸都不錯！
蔥爆鮑魚用南非鮑魚超大隻，啖啖肉！
比起平時見到的大連鮑魚真係好味好多～
這道菜十分簡單，15分鐘完成😆
最困難嗰部份大概就是將鮑魚刷得乾乾淨淨吧～
女兒是這款檸檬茶的忠實女粉絲！
每次問人她們想飲什麼，都一定是檸檬茶！
竟然咁喜歡，今日就用檸檬茶來做最喜歡吃的雞翼吧～
女兒們超愛吃，說是最最最喜歡的雞翼口味呢！
年初四～開工大吉
連續幾天大吃大喝。。。。
今晚回歸平淡，食清啲～蒸魚和豆腐蒸水蛋!
臘味好香，好夠味，
所以蒸出來的水蛋都不用下豉油已夠調味～
蒸水蛋要最緊要控制爐火，中火蒸7分鐘
再熄火焗1分鐘就夠！
水和蛋的比例是1.5:1，一定滑嘟嘟~
用熟水！熟水！熟水！
千祈唔好用水龍頭水呀！
