[ 開心些牙～開箱文 ] Recolte Solen 果汁機 (附食譜)

一年一度的萬寧換購Recolte小家電活動又來了！

今次最令我期待的小家電就是這一部Solen果汁機啦～就快到夏天，有部果汁機來攪吓鮮果汁，真係又正又方便！

這部Solen果汁機係首次出現在香港，香港門市未發售架！

而且呢部果汁仔第一次亮相就係粉紅色登場，真係冇唔換的道理。

這部果汁機可能未返貨，要等到今日先開始有得換。

今次用之前儲落嘅積分換，唔洗儲印花，一返貨，第一時間試玩～

唔好講咁多，開箱要緊！～～

開箱有一大堆配件，有主機、配備2款容器和跟機食譜。

主機連攪拌刀座～

所有攪拌的容器都要連接刀座，才能用上。

刀片是4刃刀片，十分鋒利！！

注意：使用時請小心利刀

配備2款容器：玻璃杯和Tritan樹脂膠樽

玻璃杯（最大容量300mL)

可以做1人份量沙冰，適用於油份軟多或味道較濃的食材

（例如沙律醬）

Tritan樹脂膠樽（最大容量400mL）

可做1-2份量沙冰，方便攜帶出街飲用

2款容器可以自由配搭

2款杯蓋均適用於便攜杯和玻璃杯～

部件輕鬆拆卸，方便徹底清洗

果汁機操作使用十分簡單，只要將刀座扭在容器上，

放在主機上，扭動至箭咀對上，按掣開動攪拌便成。

 主機底部設計有位置用來收納電線，十分貼心！

 

跟機有支似牙籤的小配件，是清潔棒

用來清潔細逢污積

跟機附送食譜書，內附22道食譜

Solen果汁機使用方法：

1. 將食材切成小塊，放入攪拌容器中，裝上刀頭。
2. 將己裝上刀頭的容器放在主機上，順時針轉動，直至2個箭咀頭對上。
3. 按下主機的攪拌掣，先以間方式攪拌幾次。
4. 待食材軟為鬆軟後，才車續攪拌。
5. 擰出刀頭和容器，取下刀頭後，裝上杯蓋便可宜接飲用。

注意：

• 食材先切成小塊，便更易操作。
• 較硬的食材（如紅蘿蔔、蘋果等）可先切成1cm小塊或切薄片來縮短攪拌時間。
• 食材先擺放次序為較輕👉較重👉液體食材，會更易攪拌
• 打果汁要加1-2湯匙水才打得起
• 蜜糖或煉奶等黏度高的食材，可以在放入其餘食材後才淋上。
• 冰塊的話可以最後加入，會更易打散。

新機第1試～香蕉藍莓奇異果汁

材料：

1. 香蕉…………1隻
2. 藍莓…………15粒
3. 菠蘿…………50g
4. 清水…………100ml

做法：

1. 將所有材料洗淨，香蕉和菠蘿切件。

2. 將所有材料放入攪拌容器，裝上刀頭，接上主機，攪拌20秒便成。

新機第2試～木瓜牛奶

材料：

1. 木瓜…………1/4個
2. 牛奶………100mL
3. 砂糖…………2茶匙

做法：

1. 將木瓜去皮去核切小塊。

2. 準備攪拌杯，先放木瓜、再放牛奶和砂糖，裝上刀頭，接上主機，攪拌20秒便成。

小貼士：

1. 攪好的木瓜牛奶要即刻飲，放得耐會變苦。

今個夏天有了這部攪拌機，多啲榨鮮果汁，排毒瘦身冇難道～努力！！