花甲蒸肉餅

 

去街市見到最後一小籃花甲特賣

$20蚊一籃，平到咁，即買！

本來諗住蒸水蛋，但噚日先吃過水蛋

咁就花甲蒸肉餅吧！

肉餅吸收了花甲的精華，超級鮮甜美味！

爆膏瀨尿蝦蒸水蛋

 

下午在街市買了2隻爆膏瀨尿蝦

打算煮椒鹽瀨尿蝦

不過再想想。。。。

煮2吃熱氣的餸，如果明天喉嚨痛咪捉蟲，

最後為免自己嚇自己，都係吃得清淡啲

蒸瀨尿蝦好了～加隻水蛋一齊蒸都不錯！

蔥爆鮑魚

 

蔥爆鮑魚用南非鮑魚超大隻，啖啖肉！

比起平時見到的大連鮑魚真係好味好多～

這道菜十分簡單，15分鐘完成😆

最困難嗰部份大概就是將鮑魚刷得乾乾淨淨吧～

港式檸檬茶雞翼

 

女兒是這款檸檬茶的忠實女粉絲！

每次問人她們想飲什麼，都一定是檸檬茶！

竟然咁喜歡，今日就用檸檬茶來做最喜歡吃的雞翼吧～

女兒們超愛吃，說是最最最喜歡的雞翼口味呢！

臘味豆腐蒸水蛋

 

年初四～開工大吉

連續幾天大吃大喝。。。。

今晚回歸平淡，食清啲～蒸魚和豆腐蒸水蛋!

臘味好香，好夠味，

所以蒸出來的水蛋都不用下豉油已夠調味～

蒸水蛋要最緊要控制爐火，中火蒸7分鐘

再熄火焗1分鐘就夠！

水和蛋的比例是1.5:1，一定滑嘟嘟~

用熟水！熟水！熟水！

千祈唔好用水龍頭水呀！