2017年7月1日星期六

Recolte Home BBQ Table Cooking Plate 開箱文(勁多圖!!)


等到啦!~等到Recolte Home BBQ啦!!!🎉🎉上年去日本見到時已經心心眼😍,今日終於等到港版Home BBQ發售!




當朋友們以為我實有一部搬爐在家,其實我冇…就因為呢部Home BBQ,這部機實在太吸引我,原因有三:
1. 🌟可以拆開來洗🌟(👈最大原因)
。唔怕弄髒了發熱線抹餐c,就算油水滴咗落部主機盤度都可以拆開放在流水下沖洗

2. 設計有水盤在機底💦
。水盤可以降熱,以防桌面或機身過熱,油脂滴落水盤亦可減少油煙

3. 煎pan有深度🍳
。煎pan有2.5cm深,用來做小炒都冇咁易炒出界,煎塊厚啲嘅扒都冇易咁彈油🔥

詳細開箱分享文影片請看👉👉


Home BBQ開箱有主機底盤、水盤、發熱線、平烤盤、坑紋烤盤、上蓋、上蓋架和Home BBQ食譜一本!


底盤、水盤和發熱線成為主要發熱機

發熱線卡在水盤上

組合底盤上放上水盤,插上發熱線,發熱線要放在水盤的卡位上,有個勾爪,卡在底盤上。

勾爪在底盤上

完成組合
注入700ml清水,水位不要過水盤上的標示位


跟機有平烤盤和坑紋烤盤,坑紋盤有洞口,油脂可以流落下面的水盤,減少煎烤時的油煙。
平底烤盤和坑紋烤盤都有2.5cm深,做小炒也不怕炒出界。

平底烤盤和坑紋烤盤

烤盤上蓋附有鍋架,可以直立上蓋

上蓋和上蓋架

同所有Recolte電器一樣,跟機附有有食譜,內有18個食譜。




除了平烤盤和坑紋烤盤,還有另外3款配件可配:小丸子模、蒸盤陶瓷深鍋和6格圓形烤盤。這些配件會在7月中稍後發售。

蒸盤+陶瓷盤

6格多用途烤盤

小丸子盤

全機可以重疊擺放,方便收藏!



開光先試grill pan煎牛扒,睇吓個pan夠唔夠熱!滴水測試做到水珠滾動,證明好夠熱,用坑盤可以煎出漂亮坑紋,牛扒外脆內軟,簡單做出粉嫩牛扒!牛扒rest緊嘅時候,用煎牛扒時流出來的油脂烤一烤蔬菜,好方便!

開光第一試~煎靚扒配五色蔬菜


材料:

  1. 靚牛扒…………1塊
  2. 鹽和黑胡椒碎…………適量
  3. 車厘茄、南瓜、洋蔥、青椒仔、檸檬……各適量

做法:

1. 牛扒放室溫半小時回溫,下少許鹽和黑胡椒碎調味。底盤放上水盤,插上發熱線,在水盤注入入700ml清水,放上坑紋烤盤,開機3度大火。


2. 燒熱烤盤至冒煙,加少量水在烤盤面,出現水珠滾動的情況,即烤盤夠熱,放入牛扒煎3分鐘。



3. 轉2度中火,反轉牛扒煎1分半至2分鐘(視乎想要的生熟度)

4. 取出牛扒放在錫紙上包好,休息(rest)10分鐘,切件上碟。

5. 用煎牛扒的油脂烤一烤蔬菜,煎至金黃便成。


小貼士:

  1. 牛扒先在雪櫃取出來回溫解凍,令牛扒受熱均勻一點。
  2. 煎牛扒前才撒上鹽和黑胡椒調味,以免牛扒出水。
  3. 煎好牛扒包上錫紙,休息10分鐘,可以令牛扒溫度均勻,不會出血水。
  4. 這個時間煎法可以煎出7-8成熟牛扒。

清洗方法:
  • 除丁發熱線,全機組件(包括底盤、水盤、烤盤和上蓋)都可以在流水下,加少許清洗劑,用軟海綿清洗。
  • 發熱線可以用濕布抹淨


試煎牛扒後,發現這部機的設計是圓形發熱線,有少許熱力不均,近發熱線的地方會較熱,用嘅時候可以將較難熟的食材放在較熱位煎烤。

初次試用,就報告住咁多先,詳細開箱文稍後補上!嚟緊研究多啲用Home BBQ做的菜式,再同大家分享~Happy Weekend😄

沒有留言:

發佈留言