2017年4月8日星期六

Récolte Cotocoto 電飯煲 ~ 清燉瘦肉汁


大夫呢期黑過墨斗,on call36小時冇停過,捱更抵夜十分辛苦…😰
噚日買舊瘦肉燉肉汁,俾大夫補一補~
第一次用飯煲仔燉肉汁十分成功👏,慢煮mode2.5小時,半斤瘦肉燉成1小碗肉汁,不用睇火,set好時間就完成,話都冇咁易!
又多一個愛上飯煲仔的理由💕



材料:

  1. 瘦肉(豬肉水展)………300g(半斤)
  2. 杞子、薑片、花膠………隨意
  3. 細鹽………少許

做法:

1. 瘦肉洗淨吸乾水份,切細粒。


2. 瘦肉粒放入攪拌杯,加蓋打成肉碎。




3. 電飯煲內鍋反轉放入細碗。若加入其他食材如杞子或薑片等,可以同時放在細碗內。加入肉碎在細碗的四周,不要壓平。




4. 蓋上飯煲蓋。選擇“慢煮”程式,慢煮2.5小時便成!


5. 打開煲蓋,取出瘦肉,小心取出細碗,肉汁就在細碗內,加少許鹽調味便完成。




小貼士:
  1. 燉豬肉要選瘦肉,否則燉出來會好多肥油,最好選水展或豬展,沒有什麼脂肪。
  2. 肉碎可以自已攪或買已經打碎的,我喜歡自己攪碎衛生啲。
  3. 瘦肉攪成肉碎,肉汁更容易燉出來。沒有攪拌機的話,可以將瘦肉切細絲。
  4. 可以加入其他藥材一同燉,如紅棗、圓肉、花旗參等,只要將藥材浸軟,放入細碗內便可。
  5. 燉肉汁適合捱夜人士、產後調理、大病初癒、手術復完和任何人強身健體飲,滋補元氣。
  6. 燉肉汁適合大人小朋友飲,但不要給2歲以下的bb飲,消化系統未發育完全。
  7. 除了燉豬肉,還可以燉牛肉,雞,洋蔥等,不過要先了解自己體質才好飲用。
  8. 燉完的瘦肉好乾,唔想浪費可以用來做肉鬆。

沒有留言:

發佈留言