【免睇火免蒸】電飯煲臘味蘿蔔糕 Rice Cooker Chinese Turnip Rice Cake

 

農曆新年點少得臘味蘿蔔糕～

蒸蘿蔔糕要睇火，怕蒸乾水

其實可以用電飯煲，按掣就攪掂

完全不用開爐蒸糕，唔洗睇火唔洗蒸

方便簡單，得閒蒸返一底糕來吃！

材料：

1. 白蘿蔔………1斤（600g）
2. 粘米粉…………160g
3. 澄麵…………40g
4. 水…………300ml（瑤柱水＋清水）
5. 黃糖…………1湯匙
6. 臘腸…………1條
7. 臘肉............1/4絛
8. 蝦米…………2湯匙
9. 乾瑤柱..........2粒
10. 蔥花…………適量
11. 芝麻…………適量

調味料：

1. 鹽…………1茶匙
2. 雞粉…………1/2茶匙
3. 麻油…………少許
4. 白胡椒粉…………少許
5. 生油…………1湯匙

做法：

1. 乾瑤柱浸3小時撕碎，保留瑤柱水。蝦米浸半小時至軟。

2. 白蘿蔔洗淨去皮，一半切粗條，另一半刨碎。

3. 臘味用洗一洗，用滾水灼1分鐘，再切粒，放入鍋中炒至出油（不用下油），加入瑤柱絲和蝦米一同炒香後盛起。

4. 加入白蘿蔔、100清水和黃糖攪勻一同煮熟（蘿蔔煮到半透明），離火放涼少許隔出蘿蔔水，取300ml蘿蔔水和瑤柱水，若不夠300ml，就加清水補上，放涼備用。

5. 將粘米粉和澄麵放入大碗，加入放涼的蘿蔔水攪至沒有粉粒。

6. 將粉漿倒入白蘿蔔中拌勻，開中火炒至少許濃稠。

7. 加入一半炒香的臘味配料和調味料拌勻。

8. 將蘿蔔糕放入電飯煲內鍋鋪平，放上剩餘的配料。

9. 按鍵「煮飯／白飯」（煮飯長mode約45～50mins，不要按快速煮飯），再焗15分鐘。完成再按多一次「煮飯／白飯」程式。

10. 完成用竹籤刺入蘿蔔糕中，取出沒有沾上未熟的蘿蔔糕漿便是熟了，放涼少許，撒上蔥花和芝麻便成。

小貼上：

1. 配料可以用上臘肉，冬菇等
2. 蒸好的蘿蔔糕可以用牙籤吉入糕內試煮熟沒有，如牙籤上沾了半透明狀的糕狀即是熟了，如牙籤沾了白色的粉糊即是未熟，再煮多15 分鐘。
3. 煮好的蘿蔔糕會軟軟的，有點水在上面，放涼了會收水，再放入雪櫃雪會變硬。
4. 做好沒有加冬菇或青蔥的蘿蔔糕放雪櫃，可以存放1-2星期。若加了冬菇和青蔥，放只可以雪櫃存3天了。
5. 蘿蔔水要放涼後加粉類混合，否則熱混合粉類會好易起粒。
6. 浸乾貨一定要用室溫水，預早浸，不要貪快用熱水，否則會走味。
7. 1斤是600g。