久違的一篇文章

好耐冇update了.....自從上次嘅山頂市集因為臨時有事而冇參加到之後，
就冇再寫網誌。

對於上次缺席Re Do We Do 市集，真係感到好抱歉.........

但因為上年為該市集準備嘅手作一直堆積喺屋企，
望住佢哋咁寂寞咁俾我放喺一邊咁耐，

真係好想揾個地方寄賣佢哋。

直到最近收到好消息，HKID Gallery 將會喺尖沙咀開新店。
我得知後，即刻申請。

心急地等咗10日，終於收到回覆，申請成功了！yeah！

之後，就重新開始了整新手作仔嘅日子.....~~~

最近Macaroon大熱，喺團購都見到有幾個Macaroon 製作班。

而我都好喜歡呢個法式小點，看是可愛滿分，但食太多都真係幾甜。

因此，整咗幾個布Macaroon看看~

登登！靚嗎？小嘅真係好細個，只可以放到幾個coins，細到唔知放乜好。

大嘅就真係可以做coin bag, 放碎銀大餅。

仲有一個月嘅準備時間，其實都已經夠手作仔放滿我嘅display area.

只係見有時間，就多做一點新作，希望我第一次嘅寄賣會成功。

其實仲有其他功夫未做好哂，例如包裝等等....

不過呢啲可以慢慢來。

期待開幕嘅一天，希望所有嘢會順順利利~