賀年糕點～傳統臘味蘿蔔糕 Chinese Turnip Cake

每年農曆新年必蒸蘿蔔糕！

今年冇太多時間蒸蘿蔔糕，所以今日下午一次過蒸好今年的份量，足足蒸咗15斤蘿蔔…

好在而家有機刨，唔洗下下用手刨，如果唔係都唔知要整到幾多點😅

材料：

1. 白蘿蔔………1斤（600g）
2. 粘米粉…………160g
3. 澄麵…………40g
4. 水…………300ml（冬菇水＋瑤柱水＋清水）
5. 黃糖…………1湯匙
6. 臘腸…………2條
7. 蝦米…………2湯匙
8. 乾瑤柱..........3-4粒
9. 冬菇…………4-5粒
10. 蔥花…………適量
11. 芝麻…………適量

調味料：

1. 鹽…………1茶匙
2. 雞粉…………1/2茶匙
3. 麻油…………少許
4. 白胡椒粉…………少許
5. 生油…………1湯匙

做法：

1. 乾冬菇浸過夜切粒，保留冬菇水。乾瑤柱浸3小時撕碎，保留瑤柱水。蝦米浸半小時至軟。

2. 白蘿蔔洗淨去皮，一半切粗條，另一半刨碎。

3. 臘腸用洗一洗，用滾水灼1分鐘，再切粒，放入鍋中炒至出油（不用下油），加入瑤柱絲蝦米和冬菇一同炒香後盛起。

4. 將瑤柱水和冬菇水混合，取出150ml，若不夠150ml，就加清水補上。加入白蘿蔔、瑤柱冬菇水和黃糖攪勻一同煮熟（蘿蔔煮到半透明），離火放涼少許隔出蘿蔔水，取300ml蘿蔔水，若不夠300ml，就加清水補上，放涼備用。

5. 將粘米粉和澄麵放入大碗，加入放涼的蘿蔔水攪至沒有粉粒。

6. 將粉漿倒入白蘿蔔中拌勻，開小火炒至少許濃稠。

7. 加入一半炒香的臘味配料和調味料拌勻。

8. 將蘿蔔糕放入電飯煲內鍋鋪平，放上剩餘的配料。

9. 隔水蒸或放入蒸爐蒸50分鐘-1小時。

10. 完成用竹籤刺入蘿蔔糕中，取出沒有沾上未熟的蘿蔔糕漿便是熟了，放涼少許，撒上蔥花和芝麻便成。

小貼上：

1. 配料可以用上臘肉，冬菇（新鮮或乾），蝦米等，蝦米要先浸淋（加水浸1小時）後切粒，臘肉蒸10分鐘切粒，乾冬菇浸軟切粒就用得。
2. 蒸好的蘿蔔糕可以用牙籤吉入糕內試煮熟沒有，如牙籤上沾了半透明狀的糕狀即是熟了，如牙籤沾了白色的粉糊即是未熟，再煮多15 分鐘。
3. 煮好的蘿蔔糕會軟軟的，有點水在上面，放涼了會收水，再放入雪櫃雪會變硬。
4. 在家做的蘿蔔糕自己食的話，可以全部臘腸配料倒入糕中攪勻，因為放在表面好睇，但切來煎的時候，表面的配料總會掉哂出來.......
5. 做好沒有加冬菇或青蔥的蘿蔔糕放雪櫃，可以存放1-2星期。若加了冬菇和青蔥，放只可以雪櫃存3天了。
6. 蘿蔔水要放涼後加粉類混合，否則熱混合粉類會好易起粒。
7. 浸乾貨一定要用室溫水，預早浸，不要貪快用熱水，否則會走味。
8. 1斤是600g。