芝士焗牛肉墨西哥粟米片 Mexican Beef Nachos

世界盃賽事進入尾聲，我和老爺都開始追着賽事直播的看，前2晚的8強賽事，阿根廷對比利時，支持阿根廷的我，當然唔會錯過呢一場賽事啦！難得老爺陪我一齊睇，就整了芝士焗墨西哥粟米片一起邊睇邊食。

唔知大家有冇試過去西餐廳叫這道Nachos，然後這個Nachos有一大堆粟米片在下面，上面就只放了一層牛肉和芝士，食完最上層的粟米片，下面嘅就只有粟米片，一啲芝士牛肉都冇....我真係唔明白，下面嘅粟米片冇芝士牛肉，還叫Nachos嗎？我唔係特登來食粟米片的....大廚們就唔會分每層都鋪芝士和牛肉嗎........？

所以還是在家做的最真材實料，這次的Nachos做了3層，每層都鋪了足夠的芝士和牛肉，再加上在焗好之後，在上面放上酸忌廉來點食，睇住世界盃和飲住可樂，真係人生一大樂事呀！

材料：

1. 墨西哥粟米片（無添加原味 tortilla）.............1包
2. 免治牛肉.............300g
3. 蒜頭.............2粒
4. 鹽和黑椒粒.............適量
5. 蕃茄膏.............1湯匙
6. 紅辣椒粉 (chilli powder) .............1茶匙
7. 茴香粉 (cumin powder) .............1茶匙
8. BBQ汁 (或OK汁) .............1湯匙
9. 新鮮蕃茜葉 (fresh parsley) .............1大把
10. 車打芝士 (cheddar cheese) .............50g
11. 莫薩里拉芝士 (Mozzarella cheese) .............50g
12. 酸忌廉 (sour cream) ............ 100g

做法：

1. 預熱焗爐200度，切碎新鮮蕃茜葉備用，蒜頭切成蒜粒，炒鑊下油先炒香蒜粒，加入牛肉同炒至熟。

 

 

2. 加入萫茄膏，鹽，黑椒粒，紅辣椒粉，茴香粉和BBQ汁調味，炒勻熄火。

3. 在一方形焗盤內先放入粟米片，鋪上一層牛肉，撒上蕃茜碎，再在上面鋪一層車打芝士。第2層在上面放上粟米片，鋪上牛肉，撒上蕃茜碎，再鋪一曾莫薩里拉芝士。最後一層重複在上面放上粟米片，牛肉和蕃茜碎，最後在上面撒上餘下所有車打芝士和莫薩里拉芝士。

 

 

4. 放入焗爐200度15分鐘，直至芝士融化及轉金黃色，取出在上面撒上蕃茜葉碎和酸忌廉即成。

小貼士：

1. 蕃茜葉碎可以用青蔥(spring oinion)代替。
2. 喜歡食辣的可以自已着量加多一點紅辣椒粉或辣椒仔(Tabasco)入牛肉中。
3. 最後的沾醬除了可以用酸忌廉(sour cream)之外，可以有好多其他選擇，如蕃茄沙律(salsa)或牛油果醬(guacamole)等。
4. Nachos有好多變化，喜歡食什麼食材都可以隨意加入，無限發揮。