低温慢煮（Sous Vide ）bbq 豬仔骨

早前去東歐渡度蜜月，

食過一間餐廳的bbq pork ribs非常好食，

最令我印象深刻的，就是燒出來的豬仔骨十分淋，

肋骨一切便骨肉分離，再加上香辣醬汁，

真係好好味，現在也回味無窮。

回到香港，我冇無意中認識了一門學問叫Sous Vide，

即低温慢煮。

什麼是低温慢煮？低温慢煮的食物有什麼好？

低温慢煮是一種通過利用較低溫度而長時間加熱的烹飪方法，

目的是要帶出原料 （尤其是肉類）的最佳效果。

基本方法是將食物放入一個塑膠袋並且真空密封，

然後將整個袋子放入熱水當中烹調。

補貨‧新店

早前去The One補貨嘅時候，

剛好有一個客人問我：「呢個口金可否放下Samsung Galaxy SII?」

我答：「這個口金嘅設計唔係用o黎放電話的。」

就咁客人就走了。

之後我就想，我上2個月賣哂電話袋後都冇再整過，

而家個個都一人一部電話，

電話袋都應該多人會想要，

所以就畫了新紙型，

設計咗呢一個新嘅電諀袋。

因為本人係用Samsung Galaxy SII,

所以個size 係放得下Samsung,

不過iPhone 應該個size 都差唔多架jei，應該都fit iPhone 嘅。

呢款電話袋係打橫，再加上磁扣，

不用按扣，唔怕扣上時會弄花內裡嘅電話。

而且有幾個電話袋，我仲用了新嘅車縫方式，

WWW咁縫咗啲心型素布上去，

多點花樣，我好喜歡縫出來嘅效果呀！

散子包

近來對拼布小物包好有興趣，

然後就俾找發現咗呢一個小雞仔散子包。

我第一眼見到這個散子包就覺得超可愛！

我一定一定要整佢哋出來~

果然整咗出o黎真係可愛到不得了。

由於佢嘅形狀縫嘅時候比較細緻，

所以一定要全手縫，

如果唔係，佢就會唔靚，唔似雞仔樣架啦。

貝殼小物盒

早幾日去咗SOGO書店睇書，

見到有新出嘅cotton time 封面幾靚就買了來睇。

一睇，今期內容真係好豐富，

有好幾個紙樣我都好喜歡，

以下係其中一個，

唔知佢叫咩名，因為我唔識得日文 :P

可能係叫貝殼小物盒。

佢好細，細到好似早前做嘅macaroon 咁細。

真係細到唔知擺啲乜好。

coins 就一定放唔下，

所以只可以放啲小物，例如介子，耳環等等。

這個好難縫呀，縫到我啲手指都穿哂，好痛呀！

輕便上街去

最近我在想，喺午飯時間嘅街頭，

會見到啲OL拎住個小紙袋，

裝住銀包同電話出外食晏。

而我有時都會只想落街買啲嘢，

只係拎住個銀包，但就唔方便。

所以就想到可以整啲輕便嘅小提袋，

用來裝隨身物件，唔洗吓吓都拎住。