酥皮食譜2：（甜點）菠蘿酥配雲呢拿雪糕

如果有睇過我上一個post就明白點解我近來會不停在整酥皮小食，今次整我又係甜點，菠蘿酥配雲呢拿雪榚。這個甜品看上去好靚，感覺一定會難整。但其實佢係非常非常容易整的，而且仲可以用上各種生果，隨意配搭。熱辣辣剛出爐的酥皮批，在上面放上冰凍的雪糕，上面的雪糕即刻熔化，再在上面加上少許果醬，一道又簡單又好味嘅＂火焰雪山＂就完成了～

材料：

1. 急凍酥皮............半塊
2. 罐頭菠蘿............1罐(小罐裝)
3. 雲呢拿雪糕............1杯裝
4. 果醬(任何口味)............少許

做法：

１）焗爐預熱200度。急凍酥皮放溫室解凍，切成２塊。

２）菠蘿罐頭打開隔水，切成３份。

３）菠蘿鋪在酥皮中間，留少許邊。





４）四邊途上打散蛋液，放入焗爐焗15-20分鐘或至金黃色。

５）果醬放入小擠花袋，擠少許果醬在面，再挖一大球雪糕在上面便完成了！

小貼士：

1. 此食譜可以用在其他生果上，若用的生活果太輕，例如藍莓，酥皮中間會脹起，所以要在生果下的酥皮用叉子吉些孔，不過千萬不要吉邊邊，否則四邊會脹不起來。
2. 塗上蛋液焗會變得金黃色。