燒雞翼兩食：照燒雞翼＋蒜香芝士雞翼 Teriyaki and Garlic Cheese Chicken Wings Platter

前幾日，大夫突然高唱：「燒雞翼～我鍾～意～食～」，心想係我太耐冇煮雞翼佢食，積壓太深？今晚為了犒賞辛苦工作的大夫，買了2磅雞翼返家，煮佢最鍾意食的雞翼，幫不了他的工作，也希望可以＂乙水＂吓佢個胃開心吧！～2磅雞翼看似好多，兩個人怎可能食得哂，但有大夫呢一位雞翼殺手在，一定冇問題！

2磅雞翼分成2份，一半做日式照燒雞翼，另一半做西式蒜香芝士雞翼，唔知大夫鍾意食邊一款多一啲呢？（食後報告：大夫喜歡食蒜香芝士味雞翼多一啲呀！！）

日式照燒雞翼

材料：

1. 雞中翼.............10隻
2. 薑蓉.............1/2茶匙
3. 醬油或生抽.............2湯匙
4. 味醂.............2湯匙
5. 糖.............1茶匙
6. 水.............1/2杯

做法：

1.　雞翼洗淨吸乾水份，用叉在雞翼的雞皮那一邊尖一些小孔，方便入味。加入所有調味料醃浸最少1小時或最好過夜。

加入所有調味料醃浸最少1小時或最好過夜

汁料要浸過雞翼

2.　取出雞翼瀝乾，留起照燒汁料。在鍋內下少許油，放入雞翼用中火煎至兩面金黃色。

取出雞翼煎至兩面金黃色

3.　倒入所有照燒汁料，大火煮滾，轉中小加蓋煮7-8分鐘至雞翼完全熟透。

倒入照燒汁煮滾，中小火加蓋煮7-8分鐘

4.　打開鍋蓋，轉中火煮至照燒汁收乾變濃杰，攪拌雞翼至兩面沾上照燒汁，上碟灑上芝麻粒便成。

開蓋收汁煮至汁濃，攪拌雞翼兩面沾上照燒汁

小貼士：

1. 雞翼可以預早一日醃，放入雪櫃會更入味。
2. 醃雞翼時要選擇容器，確保汁料可以完全浸過雞翼。
3. 將照燒汁煮濃的時候，最後收汁要小心看火，不要煮焦呀！

西式蒜香芝士雞翼

材料：

1. 雞中翼.............10隻
2. 蒜粉.............1茶匙
3. 鹽和黑糊椒碎.............各1/2茶匙

蒜香芝士：

1. 巴馬臣芝士碎.............70g
2. 紅辣椒乾.............1/2茶匙
3. 蒜粉.............1/2茶匙
4. 黑胡椒碎.............少許
5. 新鮮蕃茜碎(fresh parsley).............少許

做法：

1.　在雞翼的背面用刀在中間切一刀，方便入味。在雞翼上撒上蒜粉，鹽和黑胡椒碎調味，醃30分鐘。

在雞翼背面用刀劃上一刀方便入味

撒上調味料醃30分鐘

2.　預熱焗爐180度。將雞翼放在錫紙焗盤上，放入焗爐焗180度8分鐘，反轉(雞皮向上)再焗多10分鐘至金黃色。

雞翼背面向上放在焗盤上焗180度8分鐘

反轉焗180度10分鐘至金黃色

3.　在大碗內攪勻所有蒜香芝士材料，取出雞翼，襯熱沾上蒜香芝士便成。

在大碗攪勻蒜香芝士材料

取出雞翼襯熱沾上蒜香芝士

小貼士：

1. 嚐辣者可以加多一點紅辣椒乾～
2. 雞翼要襯熱沾上蒜香芝士，才可以沾得多一點。