夢想的自家品牌tag

曾經，我喺一個手作市集中見到一位檔主嘅拼布手怍上，

都有自己嘅品牌tag，令到自己嘅作品生色不少。

我見過之後，一直好想好想都有自己嘅小tag.

但我呢個人就真係idea 無限，實行決心只有零，哈哈！

一早揾到source 點樣訂購，但一想到要自己設計圖樣，

要用我最唔識得用嘅photoshop，就頭都大埋。

直到最近終於的起心肝，玩咗好耐，

最後用最簡單嘅文字同圖樣做了6個圖案，

訂了一卷，加上老闆耐心地聆聽我嘅要求，再改進，

登登登登！

終於成功地我嘅Missta*A tag 就出世了！

好靚呀~出來個效果好好呀！真係好感謝老闆！

我立即釘了一個tag 在我嘅新品上~簡直係perfect！好感動！

今年JCCAC6月中嘅山寨市集已經在接受報名了。

我已經好耐冇參加過手作市集，

所以今年嘅第一市集目標就係o黎緊嘅山寨市集！

有鑑於多數做完一次山寨市集真係元氣大傷，

想想實在唔想再咁辛苦，

再加上我將要顧及新嘅寄賣點貨量，

唔知會唔會太吃力，所以我揾咗一位朋友仔同我一齊申請，

多個伴都好，擺檔時就更開心了。

等我o黎緊呢幾日，努力加緊縫製新品，

再加上試造樹脂手飾新品，

務必一擊即中，希望申請成功呀！