金銀蒜帶子荷葉飯 Steamed Garlic Scallop in Lotus Leaf

 

急凍帶子解凍後加上金銀蒜，即是一半生蒜，一半炸脆的熟蒜，放入荷葉中一齊蒸，好食到可以食幾碗飯呀！

冬天一到，我就會去藥材鋪買定一大包乾荷葉回家，準備這個冬天來蒸荷葉飯🤤

而最方便容易做的一定是帶子荷葉飯🤭帶子用急凍熟帶子或急凍帶子，打開個雪櫃就有存貨，不用去街市買餸，再加上金銀蒜或蒜蓉豆豉就攪掂，快靚正最啱我！

上個月入咗呢隻新鑊，用咗一排真心覺得好用，既有易潔鑊的不沾效果又有不銹鋼鑊好鑊氣的優點，用來炒飯完全不沾😍最近配埋個不銹鋼蒸籠，炒完飯，加個蒸籠蒸荷葉飯好方便！

材料：

1. 急凍北海道熟帶子…………6隻
2. 白飯…………2碗
3. 乾荷葉…………1塊
4. 雞蛋…………1隻
5. 鹽…………1/4茶匙
6. 麻油…………1/2湯匙
7. 蒸魚豉油或甜豉油…………適量

金銀蒜：

1. 蒜粒…………3湯匙（約8粒）
2. 鹽…………1/4茶匙
3. 糖…………1/2茶匙
4. 雞粉…………1/4茶匙

做法：

1. 帶子解凍，用廚房紙吸乾水份。乾荷葉用熱水浸軟，鋪在竹籠上。

2. 燒熱2湯匙油，加入1.5湯匙蒜粒，炸至金黃。倒入其餘金銀蒜材料攪勻。

3. 原鍋不用洗，加入白飯炒散，打入雞蛋炒勻，下1/4茶匙鹽炒勻，放在荷葉上。

4. 在炒飯上放上帶子，淋上金銀蒜汁料，包好荷葉，，隔水蒸或放入蒸爐蒸6分鐘便成。

小貼士：

1. 我用的是22cm竹籠，剛好二人份。
2. 配蒸魚豉油或甜豉油一齊食，更美味！
3. 打開荷葉，上桌前可以剪去太長的荷葉，上桌更美！
4. 荷葉哪裡買？其實乾荷葉唔難買，只要去藥材店，就有得賣啦因為荷葉都是一種藥材，千萬不要去雜貨鋪買呀。去到藥材店，可以叫老闆俾妳揀，妳揀一張最完整冇破洞的荷葉就得，大概4-5蚊一塊。