氣炸黑醋雞翼鎚

 

 明明小朋友最鍾意吃雞翼 

點解我家的女兒不懂欣賞雞翼

今個星期決定挑戰女兒吃雞翼！

 然後今日好給力地整了

酸甜的【氣炸黑醋雞翼鎚】 

加對可愛👀希望吸睛啲

配當造的香甜台灣烤菠蘿！ 

雞翼反成單骨小雞鎚，方便女兒好揸手來吃 

醃雞翼前一定要用廚房紙吸乾水份會更入味 

氣炸完雞翼的油份再用廚紙吸一吸😎 

給女兒吃少油一點健康啲～  

但係揀廚紙個陣都要特別小心，

尤其係要接觸食物，

一定符合衛生標準唔可以求其拎張抹手紙就印油！ 

Scott三層萬用紙有3重食品級認證，

接觸食物安心啲   

雖然大家吃菠蘿多過吃雞翼，

但也給面吃了～

 要女兒吃肉，真係少啲心思都唔得。。🤯   

材料： 

1. 雞中翼…………12隻 
2. 新鮮菠蘿…………6片    

醃料： 

1. 陳年黑醋(balsamic vinegar)…2湯匙 
2. 蜜糖…………2湯匙 
3. 黃糖…………1湯匙 
4. 生抽…………1湯匙 
5. 蒜頭…………2粒（切碎）   

做法： 

1. 雞翼買返來洗淨，用廚房紙吸乾水份。

2. 用剪刀剪去一端雞翼軟骨，用手指一拉，好似“除褲”一樣脫下雞肉，取出其中一支雞骨（較幼的），雞肉反出來，雞皮向內。 

3. 雞翼下醃料，放入雪櫃中醃1小時。 

4. 預熱氣炸鍋180°C。氣炸雞翼180°C 16分鐘，途中打開塗上保留的汁料2次。 

5. 取出雞鎚，用廚房紙吸走油份 

6. 用飲管印出片裝芝士眼睛，放上黑芝麻來裝飾。 

7. 菠蘿串上竹籤，氣炸200°C 6分鐘，一同享用！