Recolte RUND Classic Oven 經典小焗爐（開箱文附食譜）

今日唔小心滑一滑，帶咗呢部小焗爐返家😆😆

對於屋企有個build-in焗爐的我嚟講，真係冇考慮過帶呢部小焗爐返家！無奈呢部小焗爐實在太靚啦，外型古典又可愛，而且賣$500蚊有找，就係咁我家有多一件R記小家電啦！

雖說屋企有部build-in焗爐，理論上唔需要呢部焗爐仔，但有時想焗塊多士做早餐，唔想開個大焗爐就為一塊包，好熱又浪費電，有部焗爐仔係方便好多嘅！～

（理據充足，唔買唔得lor~~~~）

言歸正傳，開箱先！！RUND Classic Oven小焗爐的配件唔多，就有小焗爐主機、層架、燒烤皮、托盤和跟機食譜。

主機有紅、藍和白色選擇，我就選了紅色，鍾意紅色夠Classic!!

除了跟機配機，可以放入一個17cm大的焗盤，用來做2人焗粉飯都有問題！

全機就得一個時間掣扭掣，等於開關掣，最長時間可以調15 分鐘，說明書建議若調教時間少過5分鐘，要先扭到6，才回調至5分鐘。

主機上下各有一條發熱線頗粗，所以好夠火力🔥

層架設計十分特別，它附有手提位在焗爐外，可以提起拉出層架，不怕燙傷！層架沿着爐內的路軌推入。

不過取出層架的時候，為安全起，原是建議先戴上隔熱手套才取出層架。

層架的手提位是用來拉出層架，不要用來提起整個焗爐呀！

主機下可以拉出底盤，方便清潔烘麵包時，跌落底的麵包碎。

跟機配件有2件，是燒烤板和托盤！

燒烤板12 x 12cm大，只有一半托盤大，預了用來一邊焗多士，一邊焗燒烤板上的食物。燒烤板是易潔塗層盤，可以用來做焗蛋餅等簡單料理。

托盤14 x 23cm大，有坑紋，不是易潔塗層，跟機食譜書見可以用來烤曲、蛋糕仔。

同其他Recolte產品一樣，會隨書附送食譜一本，內有37款食譜，可以用來做多士、焗粉飯、烘蛋、曲、布甸、法式多士、焗薯等等料理！

開箱第1爐～最簡單的焗多士加腸仔太陽蛋

材料：

1. 厚麵包.............1塊
2. 腸仔.............2條
3. 雞蛋.............1隻
4. 籚筍.............4-6條
5. 車厘茄.............2粒
6. 鹽和黑胡椒碎.............各少許

做法：

1.　在燒烤板上塗少許油，打入雞蛋，放上腸仔和籚筍，撒少許鹽和黑胡椒碎調味。

2.　把厚麵包和燒烤板並排放在層架上，烤5-6分鐘便成。

總括小焗爐的火力好夠，在官方facebook有補充溫度可上250度，衡溫在200度！用來焗短途食物很好，而且焗爐細細部，唔佔位置，好適合用來做快速早餐和將食物焗金黃等！～我諗這部小焗爐一定會成為我家的早餐神器！！哈哈！！！