蠔仔肉煲仔飯 Baby Oyster Rice Pot

春天的天氣變化好大呀！中午陽光普照，晚上就涼風陣陣，好難捉摸呀！今日去買餸的時候，見到蠔仔肉難得又靚又平，想想天氣涼爽又好耐冇整煲仔飯，今晚來一個蠔仔肉煲仔飯也不錯呢！

蠔仔肉買返來要先用生粉和鹽去洗清捽勻，去潺和沙泥，但不要太用力，否則蠔仔肉會好容易爛呀；有時蠔仔肉中間會夾着一些碎殼，要小心隔出來，否則會唔小心食落肚～但洗蠔不會洗太多次，否則蠔的鮮味會被洗走的！！做蠔仔肉煲仔飯可以加一些薑絲一同煲，可以幫忙去除腥味～

我和大夫都喜歡食生蠔，蠔仔肉煲飯當然也是最喜歡用來伴飯lor~每次有蠔仔肉伴飯，都會多添一碗飯，因為真係超好食呀！

材料：

1. 蠔仔肉............220g（約半斤）
2. 米.............1杯
3. 水.............1杯
4. 薑絲.............2片
5. 青蔥粒..............1束
6. 豉油/醬油..............1茶匙
7. 紹興酒...............1湯匙
8. 生粉...............1茶匙（洗蠔用）
9. 鹽..............1/2茶匙（洗蠔用）

做法：

1.   蠔仔肉買返來用清水洗一次之後，倒掉水，加入生粉和鹽輕手率出沙泥和潺，再用清水每一隻清洗，小心挑出蠔殻碎。

2.   洗淨的蠔肉隔乾水份，加入豉油/醬油和紹興酒醃15分鐘。

3.   在小鍋內洗淨米後，加入同等份量的水，加蓋開中火煮至鍋邊出蒸氣，轉小火加煮5分鐘。

8

4.   開蓋在飯面放上蠔仔肉和薑絲，加蓋小火煮8分鐘，熄火焗10分鐘，打開撒上青蔥便成。

小貼士：

1. 蠔仔肉可娭在街市魚檔或超級市場魚檔買得到。
2. 上菜前淋上熟油和加少許蒸魚豉油一同享更美味~
3. 沒有蒸魚豉油可以自制煲仔飯豉油，將1湯匙醬油和1湯匙味醂煮滾便成，味道雖然不比蒸魚豉油美味，但沒有味精和雞油一定會健康一些。