氣炸龍鬚芝士百花球 Chessy Shrimp Ball Coated with Crispy Noodles

今日難後放假，有時間，所以喺街市買了半斤蝦，自己整蝦膠，想整個百花球（百花小丸子）。傳統百花球是用麵包糠做最外層的脆面，今晚攪攪新意思，去麵檔買咗個生炒麵來，煮熟後整碎佢，當做最外層的脆脆，試吓會唔會更脆更好味呢！

表面的脆麵好似龍鬚糖一樣，在表層圍着，所以就叫龍鬚百花球。除了個表層用了脆面，內裡都攪攪新意思，加入芝士餡，希望可以做到外脆內軟的效果，食落更多層口感。愛健康免油嘅我，當然係用新買嘅Airfryer來氣炸這個百花球啦！～

 

材料：

1. 新鮮蝦............半斤
2. 鹽和白胡椒粉............少許
3. 卡夫芝士............1塊
4. 蛋............1隻
5. 麵粉............3湯匙
6. 生麵(炒麵用)............半個
7. 沙律醬............適量(沾醬用)

做法：

 

1. 先洗淨蝦，去殼去蝦腸，用刀切成蝦蓉，放入大碗內下蛋白1湯匙(從蛋的份量中取1湯匙)，鹽和白胡椒粉，用筷子同一方向攪成蝦膠。

 

2. 生麵在滾水內煮熟，盛起用布印乾水份，用交剪剪成小條。蛋打散待用。卡夫芝士切成６條，再搓成小球。

 

3. 蝦膠分成6份，取1份放在保鮮紙上壓平，放入芝士粒包好，搓成蝦丸。

 

4. 蝦丸放在麵粉上滾滿一層麵粉，沾上蛋液，再放在麵條上滾一圈，用手壓實麵條在蝦戣上。

 

5. 氣炸鍋預後190度3分鐘，在網鍋內塗上一層油以免＂次＂底，放入蝦球，再用油壺在蝦球上噴上一層油，氣炸190度10分鐘，與沙律醬一同享用。

 

 

小貼士：

1. 用滾水煮過麵後，麵會軟些，比軟容易沾在蝦球上。
2. 蛋白的份量可以從材料的蛋中取，不用再多打一隻蛋。
3. 新鮮自己打的蝦膠比機打的有口感味美，但冇時間打蝦膠的，可以在大型本地超級市場買現成的蝦膠更方便。
4.