Recolte Ice-Cream Maker 雪糕機

又有新玩具～係新出的Recolte Ice-Cream Maker雪糕機！

呢個夏天，有好多品牌的出咗雪糕機，咁多款雪糕機中，還是覺得這一部最好～

今個夏天有自家製雪糕食啦!!!~~~~

今個夏天真係好多雪糕機一齊推出，花多眼亂都唔知揀邊一部好。不過考慮到我屋企廚房細（鍋居廚房....），實在沒有太多位置放大件電器，而這一部雪糕機細細部，好慳位，顏色仲有我最愛的粉紅色，就快快入手啦！

雪糕機有粉紅色和綠色選擇，我當然係揀粉紅色啦！

箱子很小，雪糕機細小，十分好收藏！
開箱有杯子、專用冰桶、攪拌漿、主機、勺子和跟機食譜。

主機只有一個開關掣，用來專動攪拌漿。攪拌漿可以拆出來，方便清洗。

杯子和勺子用來享用雪糕的，杯子設計十分好，可以套着專用冰桶！

而勺子也可以放在杯仔的手把內，方便食雪糕！～～

一如以往每一件Recolte小家電都會附上跟機食譜～
今次的雪櫃機附上12個雪糕食譜！

雪糕機使用方法：

1.　將專用冰桶放入冰格14-16小時。

2.　取出專用冰桶，放入杯子，再將準好備好的雪糕材料放入冰桶中。

3.　裝上攪拌槳，將主機自冰桶上方放入冰桶中。

4.　插上電掣，開着開關掣，大約攪拌15-20分鐘。

5.　關掉電源，打開專用冰桶便完成！

小貼士：

1. 做雪糕的材料最好是凍的，這樣會更易成功。
2. 若攪拌多過20分鐘，雪糕還沒有凝固，可以將材料倒出來，放入雪櫃雪凍，再將專用冰桶放回冰格雪至凍，再取出來倒回冰桶中攪拌過。

新機第1試～夏日芒果雪糕

材料：

1. 芒果蓉...........80g
2. 練奶...........1-2湯匙（自己調甜度）
3. 淡忌廉...........100mL
4. 牛奶...........20mL

做法：

1.　將專用冰桶放入冰格雪14-16小時。

2.　將芒果蓉、砂糖放入碗中混合，加入淡忌廉和牛奶攪勻。

凍芒果蓉加練奶

加牛奶和淡忌廉

趁凍攪勻所有材料

3.　將混合好的凍材料倒入專用冰桶，用雪糕機攪拌15-20分鐘，便成！

美味軟雪

小貼士：

1. 材料建議在另一大碗先攪勻，才倒入專用冰桶，不要直椄在專用冰桶入攪拌，以免弄花冰桶內鍋。
2. 芒果蓉可以在普通烘焙店買到。
3. 所有材料要先雪凍，而且自雪櫃取出就立刻使用，不要放在室溫中太耐。
4. 完成的雪糕似軟雪糕，若想雪糕食落硬身一些，可以將雪糕放回冰格雪至硬身。

可倒入盒中放入冰格雪硬

總括這部雪糕機很好用，只是大夫話這部機太細部，每次整出來的雪糕太少.....我就覺得份量剛剛好，一次不會做太多，咁就唔會食太多。而且每次整少份量，這樣整出來的雪糕才夠新鮮呀！～～～～～