山頂創意市集

9月4日我會喺山頂擺檔，

聽說會有超過60檔嘅手作家一齊出席，

希望大家有時間o黎支持吓我啦！

密密做，只係得返10日

我呢幾個星期好努力咁一放工就整，

希望9月4日前盡我所能，整得幾多得幾多！！

除咗整返上2次市集都有擺賣嘅布口金，

今次仲有試整新嘅拼布手作仔。



花布手挽袋

為9月山頂市集努力中

今次市集想整多一啲拼布作品，

希望可以有半張枱係拼布手作，半張枱係滴膠。

因此，我呢排好努力咁縫縫、車車咁，

希望9月4日可以放得張枱滿滿嘅，

多啲人停留喺我張枱度啦。

花布髮飾

重拾拼布的愛

又有好耐冇寫過網誌，7月都過咗大半而家先寫第一篇........

其實係有原因嘅~皆因上幾個星期我去咗戀戰沖繩玩~

好好玩~雖然唔係全程陽光普照，

但係都玩得好開心，食咗好多嘢，

返到o黎要減肥................

之後又到咗一年一度嘅週年紀念，所以就整咗個大拼布掛飾~

7個心代表我哋一齊7年~ : )

新品出世

小瓶子decorate咗個瓶蓋，唔錯嘛~

而且只要薄薄一層嘅滴膠就ok，好快就干。

不過唔知會唔會有人同我一樣咁喜歡佢哋呢？

就先試整幾個好啦，4個小瓶、4個大瓶，
睇吓反應點先！

陽光下的手作心情

陽光下的手作心情自然美。

今早喺自然光下睇尋晚整嘅卡片，

好靚，不禁再影多次相，

大家得閒都試吓整啦！

新形象

呢幾日整嘅滴膠都好唔順利呀，

成日都失敗，好唔開心......

所以就放低滴膠一陣，試吓其他嘢。

上年為咗擺市集，整過一個logo，

係birdcage，上面寫住Missta handmade.

又有整過一堆name card，上面有個lace background。

再接再厲

試了其他主題，覺得邊一個最好呢？

愛發夢的小女孩

  

Keep trying!!

第二次嘗試整其他形狀，比起上一次效果好好多。

不過個背景好似太淡，感覺整體嘅顔色唔夠豐富，嗯.........

或者唔應該用嘅咁自然淡淡嘅background，要再研究吓先得！

Dancing happil

久違嘅新作

對上一次嘅滴膠新作已經係2、3個月前嘅事.......哈哈....

因為自從上年開始整滴膠手作之後，就參加咗好多個市集。

對上嗰半年每日放工返到家就不停咁整，

而且大多時間都係為咗趕市集而不停嘅整，太累了！

所以休息咗幾個月，休息了幾個月，又累積了幾個月嘅手作心情，

終於有啲行動，有新作出街啦！

果醬巧克力甜點

因為屋企有一樽買咗好耐但未開嘅士多啤梨果醬，

就想睇吓點樣可以用咗佢。

再加上希望可以為佢打打氣，

努力準咗考試咁耐，

所以就決定整呢個果醬甜點！

結婚簽名筆 II

有一就有二~ 今次整嘅係橙黃色海棠同牡丹。

整完第一支筆之後，

我喺網上search 吓啲人整嘅筆都係點樣嘅，

先至發覺，原來我整嘅都唔夠浮誇，
係應該要整到成個波咁。

所以今次嗰支就整大好多啦，
唔會太浮誇掛...

結婚簽名筆

下個月有同事要結婚啦！

幸福嘅新娘子係我嘅好同事，又係大師姐。

佢希望我幫佢整結婚簽名筆，

我當然一口答應。

新年前答應嘅，拖到而家先有製成品，

我都有啲唔好意思......

Eiffel Tower

愛旅行嘅朋友，

都會想去歐洲遊。

我好喜歡富歐陸色彩嘅建築，

可惜我仲未有機會去歐遊....

而家就只好將巴黎鐡塔收住入個樽度，

掛住佢得閒睇睇佢！

Happy Lunar New Year!

蝶影與花

之前擺市集嘅時候，有客人見到我啲波子滴膠系列，

就問：點解只係將嘅波子滴膠整做介子、髮夾同電話繩，就唔將佢整做耳環同頸鍊呢？

結果我喺上一次市集將佢哋整咗做耳環，但係都係唔太受歡迎......

我想可能係因為只得個花花喺中間，都唔夠華麗漂亮掛.....

有日放工由跑馬地行返出o黎銅鑼灣。

路過馬場，見到有蝴蝶圍住一朵花在飛，

就想........蝶戀花都係一個唔錯嘅主意~

我最喜歡紫色嘅花，高貴啲、成熟啲。

搬新家後的第一篇

Hello!! 各位好！

 

呢個係搬了新家嘅第一篇網誌，以後在新家請大家都繼續多指教。